در راستای وعده‌های ریاست جمهوری به مردم ولایت غزنی، محمد اشرف غنی به همه وزارت‌ها و ریاست‌های مستقل حکومت فرمان داده تشکیلات خود در این ولایت را به سطح ولایت درجه یک ارتقا دهند.
شاه‌حسین مرتضوی، معاون سخنگوی ریاست جمهوری در صحفه توییتر خوش در این مورد نگاشته است: رييس‌جمهور به همه وزارت‌خانه‌ها و رياست‌های مستقل هدایت داده که با توجه به ارتقای ولایت غزنی به ولایت درجه یک، تشکیلات تمامی ادارات دولتی در آن ولایت، بر اساس تشکیلات یک ولایت درجه یک، ارتقا یابد.
رییس جمهوری در سفر اخیر خود به ولایت غزنی، بار دیگر وعده داد که تشکیلات این ولایت را برای مقابله با تهدیدهای موجود و نیازمندی‌های غزنی، به یک ولایت درجه یک ارتقا می‌دهد، اما انتقادهایی وجود داشت که ریاست جمهوری و حکومت در عملی کردن این وعده، سهل‌انگاری می‌کنند.
افزودن دیدگاه