وزارت خارجه اعلام کرده که قرار است 80 زندانی افغانستانی صبح امروز برای ادامه محکومیت خود از تاجیکستان به کشور انتقال داده شود.
صبغت‌الله احمدی، سخنگوی وزارت خارجه امروز یک‌شنبه(6اسد) در توییتر اش گفته است که صلاح‌الدین ربانی، سرپرست این وزارت در ملاقاتی که در حاشیه نشست وزیران خارجه آسیای مرکزی به علاوه جاپان با امام علی رحمان، رئیس‌جمهور تاجیکستان خواستار اجرایی شدن موافقت‌نامه استرداد مجرمین میان دو کشور و انتقال زندانیان افغانستان به کشور شده است.
احمدی افزوده است، این درخواست افغانستان با استقبال تاجیکستان روبرو شده و تسهیلات لازم از سوی دولت این کشور برای بازگشت زندانیان افغانستان صورت گرفته است.
به گفته احمدی، قرار است هشتاد نفر از شهروندان افغانستان که در تاجیکستان زندانی هستند، امروز ساعت هشت و نیم صبح برای ادامه محکومیت به کشور انتقال داده شوند.
افزودن دیدگاه