وزارت صحت عامه افغانستان از برگزاری کمپاین واکسین سرخکان برای کودکان در این کشور خبر داده است.
در یک اعلامیه این وزارت آمده است، کمپاین واکسین سرخکان از امروز شنبه(26 عقرب) آغاز شده و تا ده روز دیگر ادامه دارد.
وزارت صحت عامه از خانواده‌ها خواسته که کودکان 9 ماهه تا 10 ساله را بدون درنظرداشت واکسین قبلی، در برابر سرخکان واکسین کنند.
سرخکان یک بیماری ساری و کشنده است و واکسیناتوران در مسجدها، مکتب‌ها و کلینیک‌هایی که در نزدیک‌ترین محله زندگی مردم افغانستان وجود دارد، حضور دارند.