مقامات امنیتی از کشته و زخمی شدن 42 هراس‌افگن در نتیجه عملیات‌های هوایی در دو ولایت غزنی و قندهار خبر دادند.
وزارت دفاع ملی گفته است، در نتیجه عملیات هوایی و درگیری در ولسوالی‌های آب بند، اندر، قرباغ و مرکز ولایت غزنی، 22 هراس‌افگن به شمول یک فرمانده محلی آنان کشته و 8 تن دیگرشان زخم برداشتند.
این وزارت در ادامه افزوده است، در نتیجه عملیات هوایی در ولسوالی معروف ولایت قندهار نیز 12 هراس‌افگن کشته شدند.