معاون سخنگوی ریاست جمهوری افغانستان از تعیین کمیشنران جدید کمیسیون‌های انتخاباتی این کشور خبر داده است.
شاه حسین مرتضوی گفته است که بر اساس آرای 17 نامزد انتخابات ریاست جمهوری افغانستان، سید عصمت‌الله مل، مولانا محمد عبدالله، محمدقاسم الیاسی، اورنگ زیب، مسافر قوقندی، حوا علم نورستانی، حبیب‌الرحمان ننگ، محمدیونس طغرا، چمن‌شاه اعتمادی، محمدذاکر ذکی، محمدحنیف دانشیار، گیتی، زهره بیان شینواری و سید قطب‌الدین بیدار از میان 81 تن، آرای تأییدی نامزدان انتخابات ریاست جمهوری را برای عضویت در کمیسیون‌های انتخاباتی به دست آوردند.
این در حالی است که روز گذشته(جمعه، 10 حوت) 17 نامزد انتخابات ریاست جمهوری افغانستان به شمول محمد اشرف غنی و عبدالله عبدالله برای تعیین کمیشنران جدید کمیسیون‌های انتخاباتی به پای صندوق‌های رأی رفتند.
افزودن دیدگاه