وزارت دفاع چین از برگزاری تمرینات مشترک نظامی میان این کشور، افغانستان، پاکستان و تاجیکستان در سال روان میلادی خبر داده است.
وزارت دفاع چین در یک خبرنامه گفته است که افغانستان، چین، تاجیکستان و پاکستان در سال روان در یک تمرینات مشترک نظامی ضد تروریزم شرکت می‌کنند.
به گزارش آسوشیتدپرس، وو کین، سخنگوی وزارت دفاع چین گفته است، این کشور اکنون برای تمرینات و مبارزه عملی ضد تروریزم آماد‌گی می‌گیرد.
محمد رادمنش، سرپرست دفتر سخنگوی وزارت دفاع با تأیید برگزاری این تمرینات مشترک از ارائه جزئیات در این‌باره خودداری می‌کند، اما می‌گوید که صحبت‌هایی در این مورد صورت گرفته است.
افزودن دیدگاه