وزارت دفاع تاجیکستان از راه‌اندازی یک مانور نظامی مشترک با چین در نزدیکی مرزهای افغانستان خبر داده است.
رئیس دفتر مطبوعاتی وزارت دفاع تاجیکستان با بیان این خبر اعلام کرده است، نیروهای مسلح تاجیکستان و چین قرار است اواخر ماه جاری میلادی در ایالت خودمختار بدخشان تاجیکستان، هم‌مرز با افغانستان، یک مانور نظامی برگزار کنند.
به گزارش روزنامه تایم آسیای مرکزی، این مقام تاجیکی امروز چهارشنبه(19 سرطان) هدف از برگزاری این مانور نظامی را هماهنگی میان نیروهای مسلح تاجیکستان و چین در مرزها و مبارزه با تروریسم عنوان کرده و گفته که تاجیکستان این مانور نظامی را با نمایش نیروی زمینی، هوایی و نیروهای دفاع ضد هوایی انجام خواهد داد.
پیش‌تر در سال ۲۰۱۶ میلادی نیز این دو کشور مانور نظامی مشابهی را با حضور ۱۰ هزار نیروی تاجیک و چینی و با استفاده از وسایل نقلیه زرهی و هواپیماهای نظامی برگزار کردند. در این مانور نظامی ارتش تاجیکستان و چین برای از بین بردن نفوذ احتمالی تروریست‌ها از افغانستان به تاجیکستان و چین همکاری و تمرین کردند.
افزودن دیدگاه