مقامات محلی از سفر یک هیئت بلندرتبه امنیتی به خاطر بررسی تأمین امنیت شاهراه نمبر یک کابل ـ قندهار به ولایت غزنی خبر داده‌اند.
شورای ولایتی غزنی گفته است که این هیأت صبح امروز چهارشنبه(۱۷ دلو) با نصیراحمد فقیری، رئیس این شورا ملاقات نموده است.
گزارش‌ها می‌رساند که در این هیأت، تورن‌جنرال عبدالفتاح فروغ، رئیس ارکان معینیت ارشد وزارت امورداخله، برید جنرال عزیز احمد، معاون اپراسیون وزارت دفاع ملی، برید جنرال ذکریا عزیزی، مشاور ارشد ریاست عمومی امنیت ملی، دگرجنرال غلام فاروق، مدیر پلان عملیات‌های خاص اپراسیون وزارت امورداخله، معاون قول اردوی ۲۰۳ تندر، فرمانده لوای اردوی ملی ولایت میدان وردک و فرمانده نظم عامه شامل می‌باشد.
هدف سفر این هیأت به ولایت غزنی، اقدامات و پلان‌های عملی برای تأمین امنیت دوام‌دار شاهراه نمبر یک کابل ـ قندهار در مربوطات ولایات غزنی و میدان وردک و تنظیم یک سلسله اقدامات لازم برای بهبود وضع امنیتی ولایت غزنی گفته شده است.
افزودن دیدگاه