مقامات امنیتی از کشته و زخمی‌شدن ۲۸ هراس‌افگن در سه ولایت زابل، هرات و غزنی خبر داده‌اند.
وزارت دفاع ملی در یک اعلامیه نگاشته است، در نتیجه عملیات‌های پاکسازی نیروهای امنیتی افغانستان در شهرستان‌های دای‌چوپان و شاه‌جوی ولایت زابل، ۴ هراس‌افگن کشته و ۳ تن دیگر زخمی شده‌اند.
همچنان این وزارت در اعلامیه دیگر گفته است، در نتیجه یک عملیات مشابه در شهرستان شیندند ولایت هرات، ۴ هراس‌افگن کشته و ۷ تن دیگر زخمی شده‌اند.
از سوی دیگر، نیروهای امنیتی افغانستان در شهرستان قره‌باغ ولایت غزنی نیز عملیات پاکسازی را انجام دادند که در نتیجه ۷ هراس‌افگن کشته و ۱۰ تن دیگرشان زخمی شده‌اند.