گزارش‌ها از ولایت غزنی می‌رساند که ارتباطات تلفنی از روز گذشته(۱۲ سنبله) به این سو در این ولایت قطع است.
نصیراحمد فقیری، عضو شورای ولایتی غزنی، با تأیید این خبر به خبرنامه بیان داشت، تنها از ساعت ۷ الی ۱۰ قبل از ظهر، شبکه‌های مخابراتی به شهروندان غزنی سرویس ارایه می‌کنند، ولی بعد از این ساعت، سرویس ارتباط‌رسانی قطع می‌شود.
در حال حاضر، تنها شبکه مخابراتی دولتی سلام در ولایت غزنی به صورت 24 ساعته فعالیت می‌کند
این روز دوم است که ارتباط تلفنی شهروندان ولایت غزنی با مشکلاتی روبه‌رو شده است.
اما این عضو شورای ولایتی خاطرنشان می‌کند، در تماسی که با مقامات امنیتی ولایت غزنی داشته است، مسئولین امنیتی اطمینان داده که اوضاع ولایت غزنی در کنترول نیروهای امنیتی است.