تجلیل از استقلال افغانستان امسال در شبکه‌های مجازی با موجی از انتقادات گسترده از حکومت وحدت ملی به همراه شده است.
بسیاری از کاربران در شبکه‌های اجتماعی معتقد اند که دولت در حادثه‌های چند روز اخیر کم‌کاری نموده و به این جهت، در این شرایط نباید جشنی برگزار گردد.
در هفته‌های گذشته کابل و چندین ولایت افغانستان شاهد حملات خونین شورشیان و تروریستان بوده است.
شماری از کاربران شبکه‌های اجتماعی معتقد اند که دولت به جای این‌که از ۹۹مین سال استقلال تجلیل کند، باید این روز را ماتم ملی اعلان نماید.
28 اسد سال ۱۲۹۸ هجری شمسی، روز به دست گرفتن استقلال افغانستان از انگلیس به خصوص در حوزه سیاست خارجی توسط شاه امان‌الله است. از این روز همه ساله در افغانستان تجلیل صورت می گیرد.
قرار است از نود و نهمین سال استقلال افغانستان در ارگ ریاست جمهوری نیز تجلیل شود.