طالبان هفت کارمند یک مؤسسه خارجی را در بخش برق‌رسانی در ولایت بغلان کار می‌کردند را ساعت ده قبل از ظهر امروز یک‌شنبه(16 ثور) از منطقه «دشت خواجه الوان» ربودند.
فیروزالدین ایماق، معاون شورای ولایتی بغلان می‌گوید: «صبح امروز تعداد هفت کارمند که شهروند هندوستان هستند و از مسیر پلخمری به صوب خواجه الوان در حرکت بودند و در آن‌جا سب استیشنی ساخته می‌شود که از برق ۵۰۰ کیلووات عبور می‌کند، طالبان موتر آنها را توقف می‌دهند و آنها را با خود می‌برند».
به گفته وی، افراد وابسته به قاری نورالدین، از سرگروه‌های طالبان که وابسته به ملا یونس، از افراد کلیدی این گروه در دند شهاب‌الدین ولایت بغلان است، این کارمندان کمپنی KEC را ربوده‌اند.
ذبیح‌الله شجاع؛ سخنگوی پولیس بغلان نیز گفته که افراد ربوده‌شده افغان و هم‌چنین شهروندان هندی اند.
افزودن دیدگاه