مسوولان امنیتی درغرب کشور می‌گویند که گروه شورشی طالبان پل «کمنج» در مسیر عمومی شاهراه غور- هرات را تخریب کرده است.
قول اردوی ۲۰۷ ظفر امروز(شنبه، ۱۳ثور) با نشر یک خبرنامه گفته است که گروه طالبان دو روز پیش، پل عمومی مسیر شاهراه عمومی غور- هرات را تخریب کرده که سبب مسدود شدن مسیر عمومی به روی رفت و آمد وسایط مردم گردیده است.
گفتنی است که مردم ولایت غور از این پل برای فعالیت‌های اقتصادی و اجتماعی و انتقال مریضان‌شان جهت درمان به ولایت هرات استفاده می‌کردند.