126 شهروند زندانی افغانستان در ترکمنستان پس از عفو رییس جمهور این کشور، به افغانستان تحویل داده شدند.
وزارت خارجه گفته است که این شمار شهروندان زندانی افغانستان که مورد عفو رئیس جمهور ترکمنستان قرار گرفته بودند، روز گذشته(دوشنبه، 29ثور) به افغانستان تحویل داده شدند.
این وزارت افزوده از این میان 58 تن در فاریاب و 68 تن در ولایت هرات به مسوولین افغانستان تسلیم داده شدند.
این در حالی است که وزارت خارجه افغانستان به تاریخ 27 ثور گفته بود که قربانقلی بیردی محمدوف، رییس جمهور ترکمنستان با توجه به روابط برادرانه و همسایگی نیک و با درنظرداشت روحیه بشردوستانه و فرارسیدن روزهای عید سعید فطر، حکم عفو 126 تن از زندانیان افغانستانی را که بنابر جرایم مختلف در این کشور در بند به سر میبردند، صادر کرده است.