وزارت صحت عامه کشور می‌گوید 7 واقعه جدید مثبت ویروس کرونا، در لابراتوار ولایت هرات ثبت شده است.
وحیدالله مایار، سخنگوی وزارت صحت عامه شام امروز، جمعه(15حمل) گفته است:” در 24 ساعت گذشته، 67 سمپل مشکوک در لابراتوار ولایت هرات تست گردید که 7 رویداد مثبت جدید در ولایت های هرات، غور و نیمروز (هرات 5، غور 1 و نیمروز 1) تثبیت شده است.”
قابل یادآوریست که با ثبت این 7 واقعه جدید و مثبت، شمار افراد مبتلا به ویروس کرونا در کشور به 281 تن می‌رسد.
افزودن دیدگاه