ارگ ریاست جمهوری میگوید که مراسم فاتحهخوانی و اتحاف دعا به روان آیتالله قربان علی محقق کابلی(ره) با حضورداشت محمد اشرف غنی، رئیسجمهور در ارگ ریاست جمهوری برگزار گردید.
دفتر مطبوعاتی ریاست جمهوری امروز شنبه(25جوزا) در یک خبرنامه گفته است که در این مراسم برعلاوه رئیسجمهور و معاون دوم ریاست جمهوری، شماری از اعضای کابینه، مقامات دولتی، رئیس و تعدادی از اعضای شورای سرتاسری علما و شورای علمای اهل تشیع حضور داشتند.
آیتالله محقق کابلی(ره) از علما و مراجع بزرگ افغانستان به تاریخ 21 جوزا در اثر بیماری، در سن ۹۱ سالگی در شهر قم ایران درگذشت و در جوار زیارتگاه حضرت معصومه(س) در این شهر، به خاک سپرده شد.