پایان نشست وزرای خارجه «اکو» با تأکید بر مشارکت مؤثرتر در بازسازی افغانستان

توسطروایت زنده

فروردین ۲۸, ۱۳۹۷ به روز رسانی : اسفند ۸, ۱۴۰۲

بیست‌وسومین نشست وزرای خارجه کشورهای عضو سازمان همکاری‌های اقتصادی اکو با حضور سرپرست وزارت خارجه افغانستان به کار خود پایان داد.

این نشست روز دوشنبه(27 حمل) و با حضور صلاح‌الدین ربانی و وزاری خارجه کشورهای عضو این سازمان چون تاجیکستان، ایران و پاکستان در شهر دوشنبه، پایتخت تاجیکستان برگزار شد.

در بیانیه پایانی این نشست سازمان اکو آمده است که وزرای خارجه کشورهای عضو این سازمان، تصمیماتی را برای مشارکت مؤثرتر در بازسازی افغانستان از جمله طراحی ساز و کار مناسب برای کارآمدتر شدن صندوق ویژه اکو برای بازسازی افغانستان اتخاذ کردند.

در این نشست، ایران به عنوان دبیرکل جدید سازمان اکو برای سال‌های 2018 تا 2020 انتخاب شد.

ECO

سرپرست وزارت خارجه افغانستان در جریان سفر خود به تاجیکستان، با امام‌علی رحمان، رییس‌جمهور این کشور و هم‌چنین همتای تاجیک خود دیدار و پیرامون روابط دوجانبه گفت‌وگو کرد.

صلاح‌الدین ربانی و همتای تاجیکش روز دوشنبه درباره موضوعات سیاسى، روابط اقتصادى، امنیتى، مبارزه با تروریزم، پروژه کاسا یک هزار و خط آهن میان تاجیکستان، افغانستان و ترکمنستان بحث و تبادل نظر نمودند.

آقای ربانی از دولت جمهورى تاجیکستان خواست تا قنسول‌گرى این کشور در ولایت قندز را که به دلیل ناامنی‌های سال گذشته بسته‌شده، بازگشایى نمایند.

چقدر این پست مفید بود؟

روی یک ستاره کلیک کنید تا به آن امتیاز دهید!

میانگین امتیاز 0 / 5. تعداد آرا: 0

تا الان رای نیامده! اولین نفری باشید که به این پست امتیاز می دهید.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *