اقدامی مثبت؛ افتتاح اولین بانک معلومات صحی در افغانستان

اقدامی مثبت؛ افتتاح اولین بانک معلومات صحی در افغانستان

۷ / سنبله ۱۳۹۶ | ۰ دیدگاه

وزارت صحت عامه ی افغانستان از ایجاد اولین بانک معلومات صحی در افغانستان خبر داده است. این بانک معلومات که یک سیستم انترنتی است، آمار و معلومات مورد نیاز را ذخیره و در دسترس مردم و نهادهای مختلف قرار می‌دهد.

هدف اساسی از ایجاد این بانک معلومات صحی “بهبود در انسجام و استفاده از ارقام صحی به منظور بهبود پلان‌گذاری، تصمیم گیری و نظارت از برنامه‌های صحی” گفته شده است.

دوکتور فیروزالدین فیروز وزیر صحت افغانستان، امروز در مراسم افتتاح این مرکز در کابل گفته است که “این بانک، دسترسی به موقع دست اندرکاران صحت را به معلومات صحی افزایش می‌دهد.”

فیروزالدین فیروز، وزیر صحت عامه افغانستان

فیروزالدین فیروز، وزیر صحت عامه افغانستان

وزیر صحت عامه افغانستان هم‌چنین گفته است که این وزارت متعهد است تا “با استفاده از روش‌های جدید، عرضه خدمات صحی را بهبود بخشیده و زمینه‌ی دسترسی به خدمات با کیفیت صحی را در سراسر کشور افزایش دهد.” به گفته‌ی آقای فیروز، این اقدام مسوولان این وزارت را در رابطه با “شفافیت و حساب‌دهی” نیز کمک خواهد نمود.

مقامات وزارت صحت افغانستان می‌گویند که “با معرفی بانک معلومات صحی، که از نرم افزار معلومات صحی حوزوی (District Health Information Software 2) استفاده بعمل آمده است، آمرین برنامه‌های صحی، پالیسی‌سازان، شرکای صحی و مردم عام به سادگی می‌توانند به ارقام و معلومات صحی دسترسی داشته باشند.”

Pin on Pinterest۰Share on LinkedIn۰Share on Google+۰Tweet about this on TwitterShare on Facebook۰
افغانستان بانک معلومات صحی فیروزالدین فیروز وزارت صحت عامه افغانستان

مطالب مشابه

دیدگاه خودرا بنویسید

ایمیل *
نام *
دیدگاه *
اگر میخواهید عکس تان در کنار نظر تان قرار گیرد لطفا به سایت گراواتار مراجعه کنید